വെളുത്ത സ്വർണം എന്നറിയപ്പെടുന്ന ലോഹം പ്ലാറ്റിനം ആണ് എന്നാൽ വെളുത്ത സ്വർണം എന്നറിയപ്പെടുന്ന നാണ്യ വിള ഏതാണ്❓

വെളുത്ത സ്വർണം എന്നറിയപ്പെടുന്ന ലോഹം പ്ലാറ്റിനം ആണ് എന്നാൽ വെളുത്ത സ്വർണം എന്നറിയപ്പെടുന്ന നാണ്യ വിള ഏതാണ്❓

••••••┈┈┈┈•✿❁✿•┈┈┈┈••••••

ഉത്തരം : കശുവണ്ടി

❇ മധ്യ ദക്ഷിണ അമേരിക്ക ജന്മദേശമായുള്ള പറങ്കിമൂച്ചി, പറങ്കിമാവ്, കപ്പലു മാവ് എന്നീ പേരുകളിൽ ദേശ വ്യത്യാസം അനുസരിച്ച് അറിയപ്പെടുന്ന  കശുമാവ്
കേരളത്തിൽ എത്തിച്ചത് പറങ്കികളാണ്‌
❇ ഇന്ത്യയ്ക്ക് പുറമേ, വെസ്റ്റ് ഇൻഡീസ്, അമേരിക്ക തുടങ്ങിയ രാജ്യങ്ങളിൽ കാണപ്പെടുന്ന കശുമാവ് 15 മീറ്റർ മുതൽ 25 മീറ്റർ വരെ ഉയരത്തിൽ വളരുന്നതുമാണ്‌.
❇ ഇലകൾ ഓവൽ ആകൃതിയിലുള്ളതും പൂക്കൾക്ക് റോസ് നിറവുമാണ്‌
❇ ശാസ്ത്രീയനാമം: Anacardium occidentale
❇ കശുവണ്ടി ഫാക്ടറികളുടെ നാട്,  കേരളത്തിൽ കശുവണ്ടി വ്യവസായത്തിന്റെ ഈറ്റില്ലം, ലോകത്തിന്റെ കശുവണ്ടി തലസ്ഥാനം എന്നീ പേരിലറിയപ്പെടുന്ന  കൊല്ലം ജില്ലയിൽ കശുമാവ് കൃഷി കുറവായതിനാൽ വടക്കൻ ജില്ലകൾ, അയൽ സംസ്ഥാനങ്ങൾ, ആഫ്രിക്കൻ രാജ്യങ്ങൾ എന്നിവിടങ്ങളിൽ നിന്ന് ഇറക്കുമതി ചെയ്യുന്ന തോട്ടണ്ടിയാണ് ഇവിടെ അസംസ്കൃത വസ്തുവായി ഉപയോഗിക്കുന്നത്
❇ നൂറ്റാണ്ടുകളായി കേരളത്തിലെ പ്രധാന വാണിജ്യ കയറ്റുമതി ഉത്പന്നമായ കശുവണ്ടി,
അതേ പടിയോ വറുത്തോ ഉപ്പ് ചേര്‍ത്ത് വറുത്തോ ആണ് സാധാരണയായി ഉപയോഗിക്കുന്നത്. 
❇ ബ്രസീലുകാർ അകാജു (Accaju) എന്നും പോർച്ചുഗീസുകാർ കാജു (Caju) എന്നും ഈ വൃക്ഷത്തെ വിളിക്കുന്നു. ഈ വാക്കുകളിൽ നിന്നാണ് കശുമാവ് എന്ന മലയാളപദം ഉണ്ടായതെന്നു കരുതുന്നു